Medine-i Konya nevahisinden Said-İli nahiyesine tabi Kadın-Hanı derbendi sakinelerinden zat-ı tarif-i şer'ile marufe olan Ümmühan bt. Hüseyin nam bikr-i baliğa meclis-i şer'-i şerif-i lazimü'ş-şerifde işbu rafiü'l-kilab Mehmed b. Mustafa mahzarında mezburenin üvey babası Hüseyin b. Hasan hazır-ı bi'l-meclis olduğu halde bi-tav'iha ikrar-ı tam ve takrir-i kelam ve tabir-i ani'l-meram idüb tarih-i kitabdan sekiz ay mukaddem merkum Mehmed bana namzed idüb hin-i namzedden bu ana gelince beynimizde akd-i nikah olmayub merkum Mehmed namzedden fariğ ve beni tezvicden iba eylediğine binaen beynimizde muhasemat-ı kesire' ve münazaat-ı şedide vaki' olmuşdu el-Haletü hazihi beynimize müslimDn u muslihün tavassut idüb hin-i namzedden bana merfu' olan yirmibir guruş ile dörtbuçuk kile hıntadan geçüb ve nanı:zedde~ dahi fariğ olmağla merkum Mehmed b. Mustafa benim zimmetimi ibra ve ben dahi anın zimmetini ibra-yı 'am ile ibra ve iskat-ı tam ile ıskat idüb husus-ı mezbure müteallik 'amme-i dava ve mütalebat ve münazaat ve muhasematdan tarafeyn birbirimizin zimmetini ibra ve iskat idüb fima ba'd dava ve niza'ım yoktur didikte makarr-ı mezburenin kelimat-ı meşru'ını merkum Mehmed bi'l-muvacehe mukayyedlik itmeğin ma-vaka'a bi't-taleb ketb olundu. Fi'l-yevmi'l-hamis aşer rı Cemaziye'levvel Sene 1177. (Şahidler) Ser Muhzıran Süleyman Ağa. Muhzır Mehmed b. Ahmed. Deveci Musa. Molla Mustafa. Temirci Ahmed. Kocalıoğlu Hamza.

---